କାଦମ୍ବିନୀ………!
ଆସିବି ଆସିନି ଶରତର ଛୁଆଁ
ଯାଇବି ଯାଇନି ବରଷା
କଦମ୍ବ ମହକେ ବହକାଇଛ ଯା
ପାଇବି ପାଉନି ଭରସା,
ଫି ଦିନ ବିତେ କାଦମ୍ବରୀ ପାନେ
ମଧୁଶାଳା ପଥ ଧାରେ
ଗିରିଷମ ଗଲା ବରଷା ବି ଗଲା
ବାକି ଚାରି ଅପେକ୍ଷାରେ,
ନିର୍ଜନ ଦ୍ୱୀପର ଛତ୍ରପତି ସାଜି
ମୁଣ୍ଡେ ବାନ୍ଧି ପ୍ରେମ ଶିରପା
ଅପେକ୍ଷାରେ ବିତେ ଋତୁ ପରେ ଋତୁ
ପାଇବାକୁ ତୁମ କୁରୁପା…..,
ବୁଝି ହୁଏ ନାହିଁ ଗୂଢ଼ ରହସ୍ୟଟା
ମୂଢ ପରି ମୋହେ ପ୍ରଣୟେ
ବୁଝି ହୁଏ ନାହିଁ ପ୍ରଗାଢ ପ୍ରେମକି
ବନ୍ଦୀ ତୁମ ରୂପ ବଳୟେ? ……….…।।
ତପନ ଦୀକ୍ଷିତ(ବେଳାଭୂମି)
ନାଶିକେଶ୍ୱର, କାକଟପୁର, ପୁରୀ
କୁରୁପା (କୃପା ), ଶିରପା –ମୁକୁଟ
