**********************
ଜହ୍ନ ବୁଡ଼ିଗଲେ ପାହାଡ଼ ସେପାଖେ
ଚୋରି ଚୋରି ରାଣ ଆସିବ
ମୁକୁଳାଇ ତୁମ କଳା କବରୀକୁ
ମୋ ପାଖରେ ଟିକେ ବସିବ ,
ମାଳ ଗୁନ୍ଥି ଥିବି ଗଙ୍ଗ ଶିଉଳିରେ
ରଙ୍ଗେଇଥିବି ମୁଁ ପ୍ରେମେ
କିଏ ଜାଣେ ! କାଲି ଥିବି କି ନଥିବି
ହେବାକୁ ତୁମରି ନାମେ ..
ରାତି କାକର ଟା ପାଣି ହୋଇଗଲେ
ବୋଧ ହୁଏ ! ତୁମେ ଆସିବ
ଦେହେ ଦେହ ଲାଗି ଅଳପ ହସରେ
ମିଠା ମିଠା ଟିକେ ଭାଷିବ ,
ଚମ୍ପେଇ ଅନ୍ଧାରେ ଚରଚା ରେ ଥିବ
ତୁମ ମୋ ପ୍ରେମ ଗାଥା
ଚାପା ଚାପା ଦୂରେ ଶୁଣା ଯାଉଥିବ
ଟୁପ୍ ଟାପ୍ କିଛି କଥା ।।
ତପନ ଦୀକ୍ଷିତ(ବେଳାଭୂମି)
ନାଶିକେଶ୍ୱର, କାକଟପୁର, ପୁରୀ
No comments:
Post a Comment