ତୁମେ………
*** 🌿💕🌿 ****
ତୁମେ ଅସମ୍ପୂର୍ଣ୍ଣ ଏକ-ବିରହର ଇତିହାସ
ତୁମେ ନିଶି ନିର୍ଜନେ -ରଜନୀଗନ୍ଧା ର ବାସ,
ତୁମେ ଶେଷ ଫଗୁଣର - କୋଇଲିର କୁହୁ ତାନ
ତୁମେ ନିଃସଙ୍ଗ ନାୟକ ସ୍ୱପ୍ନିଳ ଏକ ମନ ,
କୋଣାର୍କ ଗାତ୍ରରେ ନିର୍ଜୀଵ ଶିଳାରେ
ନର୍ତକୀର ବେଶ ତୁମ
କାବ୍ୟର ପୃଷ୍ଠାରେ ‘ଶବ୍ଦାଙ୍ଗୀ କବିତା’
ବିଦଗ୍ଧ କବିର ପ୍ରେମ ,
ବିରହୀ ମନର ମରୁଦ୍ୟାନେ ତୁମେ –
ବସନ୍ତର ଆବାହନୀ
ସୁସୁପ୍ତ ର ପ୍ରାଣେ ଚଳଚଞ୍ଚଳ
ଯୌବନର ଆଗମନୀ,
ତୁମେ ସତ୍ୟ -ତୁମେ ନିତ୍ୟ –
ତୁମେ ଶକ୍ତି -ତୁମେ ଭକ୍ତି
ତୁମେ ନିର୍ମୋହୀ ମନର ମୋହ ,
ଅବୋଧ ଶିଶୁର ମାତୃତ୍ଵ ପରଶ
ପଣତରେ ଭରା ପଣତେ ଆଶିଷ
ଅନାବିଳ ଝରା ସ୍ନେହ ……..
।।
ନାଶିକେଶ୍ୱର, କାକଟପୁର, ପୁରୀhttps://www.facebook.com/belabhumi64
No comments:
Post a Comment